ich hocke am morge früeh
und bis am aabig schpaat
ich lueg wie d’lüüt zur büez gönd
und wänn’s dunkel wird wieder hei chönd
ich hock i däre sozialwohnig
und lueg zum feischter us

mini heimet hani verlaa
oh het i gwüsst wo’s mi hi wird verschlaa
da ghört niemert mini schtimm
wänn ich muetterseele allei i dä chuchi
mini truurige lieder sing

ich hock i däre sozialwohnig
und luäg zum feischter us
i däre blockwohnig am schtadtrand
und am liebschte schpräng i grad da
zu däm feischter us

ich han gmeint ich chön für d’lüüt go singe cho
oder ich fändi ä büez susch irgendwo
han glaubt die gsellschaft näm mich uf
und trucki mi nöd am bode
wie ne abegrauchti zigarette us

jetzt glaub ich nüm vill
rund um mich wirds unheimlich schtill
ich hocke tag und nacht dihei
oh lord, oh lord
wär ich doch nöd immär so allei

ich hock i däre sozialwohnig
und luäg zum feischter us
ich lueg wie d’lüüt zur büez gönd
und wänn’s dunkel wird wieder hei chönd
doch wenn eine vo däne tuble
am aabig nüme hei chund
dänn mach i da hinder mir en schtrich a d’wand
ja en schtrich a d’wand

ich hocke da tag für tag
und mache schtrich für schtrich
wänn meinsch chund dä tag
wo n’ ich für dich en schtrich a diä wand mach?

© Pierroz 2015

Pierroz bei Vitaltransformer