Bild und Lyrik: Fjodor R. Petuschki

“Härz ar Rippe”

I ha mis Härz an ä Rippe bunde
Und glych hani’s zum Zmorge erbroche
Jytz füeri mi Härz wie nä Hund spaziere
Und I knurre lut, we’s ar Leine zerrt

D’Altstadt isch usgstorbe am Sunntigmorge
ä heisse Wind wäit Kulisse um
Uf em Trottoir, da lige Schärbe
I trinke zerbrocheni Fläsche us

Dr Hund singt plötzlich än alte Blues
Är singt vor Rapunzel, I ga d’Stäge uf
Dört steit ä Nutte mit Puddelohre
Sie git mer ä Schlüssel und seit zu mir:

Di Chopf besteit us Zimmer
I jedem hockt ä Spinner
Wo meint är sig dr Gwinner
Wenn Du dr Verstand verliersch

Mi Zunge isch ä Schlange worde
Si het dr Nutte mi Hund versproche
Doch vo däm het är nüt wölle wüsse
Isch ab und under äs Outo glofe

Jytz gani halt alley ga spaziere
und schleipfe d’Leine übre Pflaschtersteinä
Ir Stadt isch niemer, doch i khöre Stimme
und all die Stimme fö afa singe

Di Chopf besteit us Zimmer
I jedem hockt ä Spinner
Wo meint är sig dr Gwinner
Wenn Du dr Verstand verliersch

I ha mit em Schlüssel mi Chopf uftah
und I ha all die Spinner useglah
D’Sunne isch äs wisses Loch
u ds Drummherumm isch Delirium

 
Das ist ein Liedtext aus der aktuellen Setliste der Band “The Cotton Mafia”. Ihr virulentes Album “Wulle” ist hier oder direkt bei der Band erhältlich. In Züri ganz klar auch im Rec Rec Plattenladen.
Am Donnerstag 2.März spielen sie in der Gotthardbar Züri am Montag 6. März im Kunstsanatorium 16b Züri / …weitere Konzertedaten