Dieser Hörstücktext aus meinem aktuellen Programm, veröffentliche ich jetzt.
Ich will es so. Dieser Text soll hinaus ins Land, dort seinen möglichen resp. eher unmöglichen Standpunkt darstellen. Er darf brüskieren, verstören, ärgern und noch vieles mehr, fast alles. Ich wünsche ihm eine abenteuerliche Reise. Pierroz

Schwarz

Ich bi verurteilt worde: als Raubaff, als Verräter, als Feigling vor em Fründ

alles wird schwarz
schwarz
ich gseh nüüt, nüüt, gar nüüt
ich cha so nöd wiitergah
ich glaub ich wott mi jetzt lieber iigah laa

ich wott mi loswerdä, schtärbe,
au…, au…, au wänn’s ä chli weh tuät
will mis Bluät…. s’isch nüme guät

und Eui?
gaats Eui guät? händ ihr gnuäg?
oder wänd ihr no meh?, händ ihr’s au scho gseh?
nei, nei,nei, gönd jetzt nöd furt
ihr chönd mi doch nöd eifach im schtichlaa
da a däm verpisstä Eggä da,
ich han Angscht, Angscht, au vor Eui
will ich weiss ihr, wänd min Chopf!

ja min Chopf
dä chönder ha, isch eh nöd viel gschiids drin…

(Urlaute, fremde Sprache, Improvisation)

…das gaat mich dänn nüüt me a
das Dräckschpiel da, ja luägat mi nu a

under Eui
bin so worde, wie n’ich jetzt bin
ihr händ mi uägfutteret, Eui hani zuäglost,
han so dänke glernt wie ihr
ihr händ mich zudem gmacht, was jetzt da vor eui schtaat
ja ich bin en Albtraum, bin dur all Wänd
mit mim Grind, und jetzt mueni unders Schwert
mini Dänki isch eh nüüt me wert
oh wie isch’s Läbe tüür
oh wie han ich glittä dafür

ich bereue nüüt
nei nei und überhaupt, ich bi au nur so en Raubaff
wie ihr au, ihr müänd gar nöd meine, ihr seged öppis bessers
ich, ich ,ich würd wieder so dri ga, wüete und schla…
das elendi G’würm is Wasser zrugg gingge, grad deet, wo’s her cho sind
will da bin ich und das da, isch alles mir
für immer, immer und immer

aber immer wird’s schlimmer
immer schwärzer, alles wird schwarz