An der Deadmausparty durfte er einmal so richtig wüten unser Pierroz, und das hat er dann auch getan. Er suchte aber auch nach Erklärungen für das Übel, das den Menschen fast überall umschleicht.
„Ohne Magie ginge es nicht“, behauptet er in seinem Hörstück „Dä Mensch“ dessen Textverlauf wir hier beilegen. Einmal mit Kraft (Bild oben), später aber auch mit Magenkrämpfen (Bild unten), eröffnete uns Pierroz neue Pforten der Wahrnehmung, gekonnt und wie immer ohne Rücksicht auf eigene Verluste.

Dä Mensch
also ich – ich und ich
und er und ihr
mir all – sind voll Sehnsucht – nach Magie
mir chönd’s nöd la sii
mir chönd nöd sii ohni Vision – und äs isch en Hohn
so chli, so en Winzling z’sii
und scho gli
seg das da – alles -für üs scho wieder verbii

Jaaaaaaa!, d’Magie
drum hämmer als erscht’s en Gott erfundä
aber dä Gott isch alt
wordä – isch chrank und dement
so hämmer dä Zauber halt i dä Därm vo üsam Planet gsuächt
aber nüüt gschid’s gfundä
mir händ dä arm siech halbä zTod grittä
aber nachäm chlinschtä Teili
chund no äs chliners Teili vom chlinere Teili
das isch alläs Chabis
und üsi Wält – en grosse schtinkende Schrotthuufä

äs isch kai schön s’Läbe imänä schtinkende Schrotthuufä
aber wiä’s Schnuddergoofä so händ
sie schpilät mit dämm
was mir ihnä i’d Händ gänd
jetzt luäg, luäg, luäg
sie chlauet, chlauet und bauet
fix und schnell und no schneller und schneller
da im Internet wirds endlich heller
und scho riisst üs weg
us blast’s furt! – oooooooh! is all

als Digital

is magisch Überall

als Digital is Überall

als Digital is Überall