“Schälle Ass”, ist eine Interpretation des Motörhead Songs “Ace of Spades”. Paul Weixler hat sich von Anbeginn der Rockkultur mit den Songs und deren Botschaften identifiziert.
Er war verrückt genug um sich hinzuhocken und gleichwertiges in “Züridütsch” zu schaffen und zwar so, dass die Verse rocken und das tun sie, keine Frage.
Mit “Schälle Ass” holt Weixler eine wundervoll derb glänzende Perle aus seiner reich gefüllten Schatztruhe heraus.
Paul Weixler: Schtimme / Pierroz: Elektroschrottgitarre / Cavin Maitland: Ton und Technik
3 Kommentare
Schälle Ass © paul weixler
häsch luscht zum schpiile
probier’s mit mir
mir isch gliich ob ich güne
mir isch gliich ob ich verlüür
ich setze alles uf ei charte
alles oder nüüt
fertig mit warte
jetzt isch es sowiit
schälle ass
s’läbe isch es schpiil
me günnt me verlüürt
was z’vill isch isch z’vill
ich han scho vill zvill riskiert
ich cha druf wette
egal was es choscht
ich bi nüme z’rette
ich rechne mit verluscht
schälle ass
ich cha’s drüüle wie n’ich will
es isch es narreschpiil
aber so ha ich’s am liebschte
so isch’s mir am allerwöhlschte
ich la mich nöd verwütsche
ich lueg am tod i’d auge
ich chan nüme zrugg
es isch nöd zum glaube
alles lug und trug
ich schöpfe us em volle
ich la dä tüüfel los
es git nüüt me z’hole
aus fertig schluss
schälle ass
ich hett da en trumpfbuur im sack
weiss nu grad nüme i wellem
wo hät sich de siäch verchroche
wett diä rundi triumpfaahl abstäche
bevor i sälber verrecke
no es chliises freudeli entdeckä.
[…] Todsicher // Mit vergifteten Pfeilen der Liebe mitten ins Herz getroffen // Paul Weixler – Schälle ass // Paul Weixler – Horrorskopanalyse // Paul Weixler – Tüüfels-Chreis // Paul Weixler […]